جمعية الخطباء لعموم كيرلا

About SKJQ

അഹ്‌ലുസ്സുന്ന വൽ ജമാഅയുടെ ആശയാദർശങ്ങളും സമസ്ത കേരള ജംഇയ്യത്തുൽ ഉലമയുടെ പ്രാസ്ഥാനിക നേതൃത്വവും അംഗീകരിക്കുന്ന ഖത്തീബുമാരുടെ, സമസ്തക്ക് കീഴിലുള്ള ഔദ്യോഗിക സംഘടനയാണിത്.

Information

About Us

സമസ്ത കേരള ജംഇയ്യത്തുൽ ഖുത്വബാ (SKJQ)

അഹ്‌ലുസ്സുന്ന വൽ ജമാഅയുടെ ആശയാദർശങ്ങളും സമസ്ത കേരള ജംഇയ്യത്തുൽ ഉലമയുടെ പ്രാസ്ഥാനിക നേതൃത്വവും അംഗീകരിക്കുന്ന ഖത്തീബുമാരുടെ, സമസ്തക്ക് കീഴിലുള്ള ഔദ്യോഗിക സംഘടനയാണിത്. 2017 ഏപ്രിൽ 13ന് വ്യാഴാഴ്ച കോഴിക്കോട് ടാഗോർ സെൻ്റിനറി ഹാളിൽ ചേർന്ന കൺവെൻഷനിൽ വെച്ചാണ് പ്രഥമ സംസ്ഥാന കമ്മിറ്റി രൂപീകരിക്കപ്പെട്ടത്. കൊയ്യോട് ഉമർ മുസ്ലിയാർ (പ്രസിഡണ്ട്) നാസർ ഫൈസി കൂടത്തായി (ജനറൽ സെക്രട്ടറി) ഹംസ റഹ്മാനി കൊണ്ടിപറമ്പ് (വർക്കിംഗ് സെക്രട്ടറി) സുലൈമാൻ ദാരിമി ഏലംകുളം (ഖജാഞ്ചി )എന്നിവരായിരുന്നു പ്രധാന ഭാരവാഹികൾ. മാതൃസംഘടനയായ സമസ്ത കേരള ജംഇയ്യത്തുൽ ഉലമയുടെ പ്രവർത്തനങ്ങൾക്ക് ശക്തി പകരുക എന്ന പൊതു ലക്ഷ്യത്തിനൊപ്പം ഖത്തീബുമാരുടെ നാനോന്മുഖ ക്ഷേമങ്ങൾക്കും പുരോഗതിക്കുമായി പ്രവർത്തിക്കലും പദ്ധതികൾ ആസൂത്രണം ചെയ്യലും കാര്യക്ഷമതയോടെ നടപ്പിലാക്കലുമാണ് സംഘടനയുടെ പ്രത്യേക ഉദ്ദേശ്യം. നിശ്ചിത ഫോറം പൂരിപ്പിച്ചും ഓൺലൈനായി അപേക്ഷിച്ചും സംസ്ഥാന കമ്മിറ്റി നിർദ്ദേശിക്കുന്ന തുക ഫീസായി നൽകിയുമാണ് സംഘടനയിൽ അംഗത്വമെടുക്കുന്നത്. നടപടികൾ പൂർണമായതിന് ശേഷം മെമ്പർമാർക്ക് QSR (Quth waba Service Register ) എന്ന പ്രത്യേക തിരിച്ചറിയൽ കാർഡ് നൽകുന്നു. നാലായിരത്തിലേറെ ഖത്തീബുമാർ ഇപ്പോൾ സംഘടനയിൽ അംഗങ്ങളായുണ്ട്. ഖത്തീബുമാരെ,സേവന മേഖലയായ മഹല്ലുകളിൽ ക്രിയാത്മകവും കാലികവുമായ ഇടപെടലുകൾക്ക് പ്രാപ്തരാക്കുക, ആവശ്യാനുസൃതം വ്യവസ്ഥാപിതമായി വിഷയാവബോധം നൽകുക, ക്ഷേമ പ്രവർത്തനങ്ങൾക്ക് സംവിധാനമൊരുക്കുക, സമൂഹത്തിൻ്റെയും രാഷ്ട്രത്തിൻ്റെയും അഭ്യുന്നതിയും കെട്ടുറപ്പും ഉറപ്പ് വരുത്തുന്ന പ്രവർത്തനങ്ങൾക്ക് നേതൃത്വം കൊടുക്കാൻ നിരന്തര പരിശീലനം നൽകുക എന്നിവയിൽ ഊന്നിയും സജീവമായും സംഘടന ജൈത്രയാത്ര തുടരുകയാണ്. കൊയ്യോട് ഉമർ മുസ്‌ലിയാർ (പ്രസിഡണ്ട്) സുലൈമാൻ ദാരിമി ഏലംകുളം (ജനറൽ സെക്രട്ടറി) ഹംസ റഹ്മാനി കൊണ്ടിപറമ്പ് (വർക്കിംഗ് സെക്രട്ടറി) ടി വി സി അബ്ദുസമദ് ഫൈസി (ഖജാഞ്ചി )എന്നിവരടങ്ങുന്നതാണ് നിലവിലുള്ള കമ്മിറ്റി.

00+

Members

00+

Year

00+

Programs

00+

Zone

Team